A Iker Casillas

Insuperable, máxico Casillas.

Para min o meirande entre os mellores.

Cheguen a ti, sentidos, meus loores.

Túas paradas, despexos... ¡marabillas!

Valentía e entrega, nobres fillas

son sempre na defensa das túas cores.

Familia e fútbol son os teus amores.

Bo en Madrid, en Porto ou nas Antillas!

Da estirpe dos Acuña e dos Zamora,

e tantos outros de inmortal memoria,

continuaralo sendo nesta hora

de euros e de dólares... Túa gloria

en Portugal e España, triunfadora

ha ser sempre, do fútbol na súa Historia.

Xoán Xosé Fernández Abella, Loanzas sentidas e outros poemas